اما هي تنزله ولا هولا ....

اذهب الى الأسفل

اما هي تنزله ولا هولا ....

مُساهمة  الحيرانه في السبت ديسمبر 12, 2009 1:43 pm

انا اببدأ بشئ مهم جدا وهو من ابرز عيوبكم يامعشر الشباب :4;






الاستراحه



ياخي والله يا انتم ماتشوفون خير ترى اسمها استراحه يعني شي تستريح فيه فتره وتطلع ماهب مقر سكني هي طيب وجلسه بالاستراحه وهضمناها لكن تنام بالاستراحه ليش .؟ يعني لازم تعلمنا انك كبير وتنام برى البيت





البلوت

والله الخوف خوفي يادحيم ان حتى بنات البلوت ماسلموا منكم ومن ترقيمكم انتم تعانون من سوء الاستخدام هذا غير ان بعد كل لعبه والثانيه تتهاوشون وحالتكم حاله وبعدين انتم مثل جمهور الشباب دائم ماتلقون رابع يكملكم



البحرين

البحرين مدينه تقع على الساحل الشرقي <-- مستكثره عليها اسم دوله الصراحه



اعترفوا كم واحد يوم قرأ العنوان دنق واستحى ؟ لعنبوا بليسكم حللتوا قيمة الجسر تحليل بعضكم من كثر روحاته للبحرين صار يمر من عند التفتيش ويقول هلا بالعيال





التـدخيـن

يعني لازم الواحد لاصار عمره 16 يسوي فيها اني انا البطل ان القوي انا الذيب اكلكم ان الام احميكم <-- هجت بها تلقاه قدام اخوياه يطلع الزقاره واحرق الروووح قبل لاتروح وثمن طول الليل يقعد يكحكح وحالته مستعصيه ويقول لاخوياه انا ماعلي من اهلي حتى لو يدرون هذي حريه شخصيه وقبل لايدخل بيتهم يغبي الدخان بالعداد وياخذ العطر اللي مغبيه بالعداد بعد ويتعطر عشان يمحي كامل ادوات الجريمه قال ايش قال ماهموني اهلي



الشعر المزيت



ياشين السرج على البقر الا الواحد يطول شعر يعني .؟ <- اكتفي بهذا القدر <--لايجي احد ويقول قدر والا صحن ترى بالعن شكله هماهـ ؟





السروال اللأصفر

تلقى الثوب ابيض ونظيف ولاحلى منه بس ماودك الواحد منهم يطلع سرواله يخرب كل النظرات الزينه اللي انت كونتها عنه ويهدم كل مابناه بلحظة تهور لعنبوا ابليسكم انا اول مره اشوف سروال لو تعفطه انكسر من كثر ماهب وسخ ولو تلقى عليه نظره من قرب وبتمعن اكثر كان تشوف انواع واشكال الخرائط حتى ان السروال يقدر يوقف لحاله من الوساخه والواحد منهم لابغى يتمحش او يغسل عقب الغداء او بيتنشف اول مايطري على باله كبش الفداء المعظم ( السروال )



زبيريه وبدله

اللي يقهر اقهر من القهر اللي تو لما يجيك واحد لابس بدله وويتمشى بزبيريات زبيريات يالظالم .؟ واللي يقهر اقهر من القهر اللي اقهر من القهر اللي تو لما يجي ويكشخ بها قدامك ويقول والله اني شاريها بـ 150 ريال

_________________
avatar
الحيرانه
مشرف
مشرف

عدد المساهمات : 78
تاريخ التسجيل : 09/12/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى